Vente d’un bien sis à Wintzenheim à la commanderie de l’Ordre de Saint-Jean de Colmar.

Und des ze eim offen urkûnde so hant wir die vorgenanten ze beden siten gebetten, die wisen bescheiden den Schultheis den Meister und den Rat ze Keisersperg ir Stette Ingesigel fûr uns henken an disen brief, Das wir der Schultheis der Meister und der Rat vergehent das wir es durch ir bett willen getan hant, wand dise ding offenlich vor uns geschehen sint. Und ich Hartman von Winzenhein ein edelknecht da vorgenant han oͮch min Ingesigel fûr mich selber in vogtes wiz har an gehenket durch mer sicherheit der vorgeschriben dinge wand dirre wechsel mit minn gůten willen und gunst geschehen ist.