Caution juratoire prêtée par Christian Wagner devant le tribunal de Mulhouse.

Des alles zu worem urkunde, haben wir obgenannten Cristian und Lienhart Wagner gepruder unnser yeglicher sin eigen Innsigel an disen brief gehengkt und darzu hant wir alle ding Cristian, Lienhart und Werlin Wagner gepetten die edlenn strengen und vestenn her Connrat von Ampringen, ritter, und Jungher Hannsen von Hohenfirst, unnser liebe herren und junghern, das ir yeglicher sin eigen Innsigel inen und iren erben in alle weg unvergriffen und one schadenn an disen brief hat gehenckt. Und zü noch merer gezügknuß, so haben wir die obgenannten Cristian, Lienhart und Werlin Wagner darzü mit flis und ernst gepetten die Edlenn fromen vesten Jungher Rudolf von Erlach alt Schultheiss und Jungher Jergen vom Stein beide des Rates zu Bernn, So dann die furnemen wissen her Niclaus Rusch stattschriber zü Basell und her Johanns von Stall stattschriber zü Solotern, alle unnser lieb Junghern und herren die uns mit sonderheit von unnsers ernnstlichen anrüffens wegen an unnsern obgenannten gnedigen herren von Mulhusen solich gnad, wie vorgeschriben ist, erworben das die ir eigene Innsigele hand gehenngkt an disen brieff, doch inen allen unnd iren erben unvergriffenlich und one schaden.

Philippe Mieg, « Les difficultés de Mulhouse à l’époque de son alliance avec Berne et Soleure », in: Bulletin du Musée Historique de Mulhouse LXXVII, 1969, p. 132.